Digital Agriculture Mission hnuaia hmalakna sawiho

Serchhip District-a Digital Agriculture Mission hnuaia hmalakna chungchanga hmalakna chungchangah nimin khan Agriculture Department changtu Secretary Ramdinliani hovin sawrkar mi pawimawh te an thukhawm.
He thutkhawm Serchhip DC Meeting Hall-a neih ah hian Agriculture Secretary Ramdinliani chuan Digital Agriculture Mission hnuaia Department in hmalak a tum dan hrang hrang a sawi a. He Mission hi zawhfel a nih theih chuan Department zawng zawngin an hmang tangkai tawh dawn tih a sawi a. Digital Agriculture Mission hnuaiah Serchhip District chu Drone hmanga Agricultural Land Aerial Survey neih hmasak berna leh enchhinna pilot project atan thlanchhuah niin hmalak nghal a ni a. Drone Survey Team atan Theta Enerlytics te chu thlan niin tunah hian drone survey an kalpui mek a ni.

Nimin-a thutkhawm neih ah hian Theta Enerlytics-a Chairman & Co-Founder Karan Dhaul chuan Drone survey kalpui dan tur leh Agriculture hmasawnna tur atana ruahmanna an siam te Power Point hmangin a sawihfiah a. District Agriculture Office Serchhip pawhin an hmalak tawh chin report kimchang an tarlang bawk.

He thutkhawm ah hian hriatfiah loh leh sawiho ngai te sawiho a ni a. He Mission hi tangkai taka hman a nih theihnan Department ten thawh-hona tha an neih a tul thu te, Drone Survey neih zawh a nih hnuah Land & Revenue Department ten kuthnathawktute ram chin chipchiar zawkin survey chhuah leh vek a ngaih dawn thu te tarlan a ni bawk.