Chuhtu awm lova tling-a puan mi 40 awm tawh

Zonuna Kawlni (LENKAWL) • February 7, 2025 • Comments • Mizoram

Mizoram District 9-a Village Council inthlan lo awm turah Village Council 16-ah chuhtu awm lo a tling sa a puan mi 40 a awm.

Mizoram State Election Commission tarlan danin, karleh Nilaini, February ni 12, 2025-a Mizoram District 9-a Village Council leh Local Council inthlan lo awm turah VC bikah chuhtu awm lo a tlinga puan seat 40-ah mi 40 an awm a, heng te hi General Seat-ah mi 24 leh hmeichhe tana hauh, Reserved Seat-ah mi 16 an ni a, heng chuhtu awm lova tlinga puan Member 29 te chu ZPM Candidate an ni aM member 5 chu MNF niin, INC Member 4 leh Independent Candidate mi 2 te an ni.

Chuhtu awm lova tling-a puan tawh awmna VC hi a vaiin VC 16 a ni a, heng zingah hian ZPM chuan VC 6-ah sawrkarna siam thei khawp Member an nei a, INC in VC pakhat-ah sawrkarna siam thei khawp Member neiin VC pakhat, seat 5 awmna ah ZPM leh MNF ten seat 2 ve ve an la a, Seat khat dang hi INC Candidate a ni a, Independent Candidate te chakna VC 2 a awm bawk a, member tling sa thenkhat awmna tho, VC 7-ah erawh Seat thenkhat hnawhkhat turin inthlan a ni dawn tho a ni.

Inthlan lo awm turah hian VC seat 3894 awmah candidate 6829 leh Local Council seat 723-ah Candidate 2076 an awm a, ZPM in Candidate ngah berin, MNF leh INC ten an dawt a, Party dang BJP leh HPC bakah Independent Candidate an awm bawk.