Chief Minister in Computer leh Printer a pe

Serchhip Bialtu MLA leh Chief Minister Lalduhoma chuan Serchhip-a Zirna In pahnih, New Serchhip Primary School leh Ramlai Middle School-te hnenah an mamawha hman turin Computer (Laptop) leh Printer a pe a, heng te hi nimin khan Chief Minister aiawhin Serchhip Block ZPM Thlalai-te chuan anmahni School-ah kalin an hlan a ni.
ZPM Thalaite chuan Bialtu MLA hian Computer leh Printer hi mamawha diltu Zirna In leh NGO-te hnenah a lo pe fo tawh tih sawiin, NGO hrang hrang leh Sports Discipline hrang hrangte pawh an mamawh thil tul leh hmanruate a pe fo tawh bawk tih an sawi a. Hetianga a Bial chhunga Zirna In-te mamawh leh pawl hrang hrangte ngaihsaktu MLA kan nei chu lawmawm an tih thu thuchhuah siamin an tarlang bawk.