CADC-ah VC thlan a ni dawn

Zonuna Kawlni (LENKAWL) • February 15, 2025 • Comments • Mizoram

Chakma Autonomous District Council (CADC) hnuaia Village Council 88-a inthlanna chu March ni 12, 2025 khian neih a nih tur thu nimin khan State Election Commissioner Dr. H. Lalthlangliana chuan a puang a, inthlanna hi VC 88-a seat 516-ah neih tur niin General-ah Seat 428 leh Reserved Seat 88 a awm dawn a ni. He inthlanna neih tur chuh tumte tan hian Feb. 19, 2025 thlengin Nomination paper thehluh theih a ni anga, Feb. 21-ah enfiahin Feb. 24 thlengin inhnuhdawhna hun hawn leh a ni anga, March 12-ah zing dar 7:00 atanga tlai dar 4:00 thlengin mipui ten Vote an thlak anga, Vote thlak zawhfel a nih veleh Vote tla te chhiar nghal a ni ang.