CADC-ah VC Roll tlangzarh

Chakma Autonomous District Council (CADC) huamchhunga Village Council (VC) inthlanna neih tur atana inbuatsaihna kal zelah Electoral Roll ennawn hna thawh zawh niin nimin khan SDO (C) Office, Chawngte-ah Electoral Roll thar chu tarchhuah a ni a, Deputy District Election Officer (DEO) Zoramsiama Hmar chuan Electoral Roll thar hi a tlangzarh a ni. Electoral Roll atanga a lan danin CADC huamchhungah hian VC 88 awmin Vote nei mipa 19,162 leh hmeichhia 18,721, an vaiin 37,883 an awm a ni. Ralmuang taka Inthlanna felfai leh thianghlim nei turin Polling Station panga - Borapansury-II, Kamalanagar-I, Kamalanagar-II, Kamalanagar-III leh Kamalanagar-IV ah te 'Auxiliary Polling Station' siam a ni bawk ang.