VC/LC inthlan chuh tumte Nomination enfiah

Village Council Inthlanpui neih tur chuh tuma hming pekluh te chu nimin khan enfiah niin inhnukdawk duhte tan hun hawn leh mek a ni.
Thla thar February 12-a Mizoram District 9-a Village Council leh Local Council Inthlanpui neih tura chuh tum te tana hming pekluh theih hun chu niminpiah a a tawp hnuah nimin khan Area hrang hranga Returning Officer te kaihhruaina hnuaiah Nomination Paper chu enfiah a ni a, he hunah hian inthlan chuh tuma hming pelut te chu Schedule Tribe an nih leh nih loh te, Electoral Roll-ah an awm leh awm loh bakah kum bithliah tling chin an nih leh nih loh te enfiahin, tehna chi hrang hrang 8 hmangin enfiah a ni a, Nomination Paper te hi pawm a ni deuh vek nia thudawn a ni.

He inthlan chuh tum-a Nomination Paper enfiahna paltlang te tan hian karleh Thawhtanni, January ni 27, 2025 chawhnu dar 3:00 thlengin inhnuhdawh theihna hun hawn leh a ni a, Nomination Paper thehlut zinga inhnukdawk duhte tan Returning Officer te kaltlang hian inhnuhdawh leh theih niin hemi hun a liam thlenga inhnukdawk lo te chu an hming Election Branch ah thehlutin Ballot Paper-ah tarchhuah an ni tawh dawn a ni.