Republic Day Volleyball Tournament khel tan

Zonuna Kawlni (LENKAWL) • January 22, 2025 • Comments • Serchhip

Serchhip District Volleyball Association in an buatsaih, Republic Day Volleyball Running Trophy chu nimin khan Serchhip Chhim Veng Volleyball Court-ah khelh tan a ni.
Kumin a Republic Day Volleyball Tournament hi nimin khan Serchhip-a Settlement Officer Gaston Vanlal-hriatpuia chuan khuallian niin a hawng a, Serchhip District Volleyball Association ten Tournament tha tak an buatsaih chu lawmawm a tih thu sawiin, infiammi kalkhawm te chu theihtawp chhuah turin a fuih bawk a ni.

Republic Day Volleyball Tournament-ah hian Mipa Team 9 telin Town pawnlam atangin Team pathum an tel a, Pool hnih-ah thenin point hmu sang pahnih ten Semi Final an khel dawn a ni. Hmeichhia ah Team 3 telin an inhmachhawn kual theuh hnuah point hmu sang pahnih ten Final an khel dawn a, tunkar Inrinni khian Final hi khelh tura ruahman a ni.