Sipai Camp-ah raltlan enkawl

Zonuna Kawlni /

Tunhnaia Bangladesh atanga Mizoram-a Bawm raltlan rawn lut mi 28 te chu Tuithumhnar a 20th Assam Rifle Post-ah enkawl mek an ni. Thudawnna in a sawi danin heng raltlan te hi Krismas leh kumthar hunpui laiin ramhnuai ah kalin Vathuampui hi an pan a, heng mite hi Bawm hnam niin nausen leh kumtling lo an awm nual a, kum tling chin chu kum 50 aia upa an awm lo nia thudawn a ni. Hruitezawl VCP Rinsanga chuan heng mite hi Sipai Camp-ah va tlawhin sipai ten an enkawl tha a, chaw leh eitur, mutbu leh damdawi chenin an pe tha niin a sawi a, then-khatin Burma atanga lo lut nia an sawi chu thil theih loh leh a kalkawngah pawh tih ngaihna awmlo a nih thu a sawi a ni.

Comments

Post a Comment

Popular News (Last 30 Days)

FG&CC Counsellor dahnghet

Zonuna Kawlni /
Image
Mizoram Synod in Serchhip-a Family Guidance & Counselling Centre (FG&CC) a kalpui meka Counsellor tura ruat Rev. Jonathan Pachuau dahnghehna hun chu nimin khan Serchhip Kawnpui Kohhran Committee Room No. 2-ah neih a ni a, FG&CC Director Rev. Lalthangpuia Fanai chuan Counsellor thar hi dahnghetin Rev. Zai-remkima chuan tawngtai sakna hun a hmang bawk a ni. Rev. Jonathan Pachuau hi Counselling ah term hnih a awm hnuin Biate Pastor Bial enkawl tura dah a ni a, tunah hian Serchhip-a FG&CC ah dah leh niin Rev. Rolungmuana Zadeng chu a thlak a ni.
Kimchang zawkin »