Home Minister in Fire NOC Online a dilna a tlangzarh

Mipui ten In an sak dawna awlsam zawka No Objection Certificate (NOC) dilna tur Portal thar chu nimin khan Home Minister K. Sapdanga chuan a tlangzarh.

Fire & Emergency Services Department buatsaih Office-a kal kher ngai lova Online-a NOC dilna tur Portal www.fsonline.mizoram.gov.in hawnna hunah hian Home Minister chuan Online-a dilna Portal siam tak chu Department tan nilovin mipui tan a ni a, mipui tan awlsamna siamsakin thil pawi-mawh leh tangkai tak a ni dawn, a ti.

AMC Regulations 2012 Clause 5 (3)(ix) in a phut angin AMC area chhunga High Rise Rise Building (metre 15 aia sang) sa turte tan leh National Building Code 2016, Part IV (Fire & Life Safety) in Building a tarlan te tan Fire & Emergency Services Department, Mizoram atangin Fire NOC neih tur a ni a. Hetiang In sa turte chuan a dilna te hi an Insak dan building plan te nan a hmun kalin an thehlut thin a. Chumi hnua Fire & Emergency Services in Site Inspection a neih hnua Provisional NOC hi an pe thin a. NOC atan hian Mizoram Sawrkarin a duan angin FIRE NOC fee hi Residential Building atan Rs. 1.50 per sq metre (a tam berah Rs. 2000/- maximum) leh Non-Residential Building atan Rs. 3.00 per sq metre (a tam berah Rs. 3000/- maximum) lak thin a ni a. Diltu ten In an sak zawha Final NOC hi dilna an thehlut leh thin a, Department in kangthelhna hmanrua dah ngai an tarlan te an dah leh dah loh an endik hnua Final NOC hi an pe chhuak thin a ni.

He Portal tlangzarh taka hian hengte hi a hmuna kal ngai lovin online hmangin dilna hi www.fsonline.mizoram.gov.in ah thehluh thei a ni tawh dawn a. Online Portal hi ICT Department kutchhuak niin a hawnna hun hi Home Secretary Vanlalmawia chuan a kaihruai a, Home Department-a Officer te an tel a ni.