Serchhip District-a Police hna thawk tha chawimawi

India Republic Day 2025 lawmna nimin-a Serchhip Sports Complex-a neih ah Serchhip District Executive Force (DEF)-a hna thawklai mi pathum te chu an hnathawh that avanga ‘DGP Commendation Disc’ an dawn te Bawrhsap in a hlan a. Heng chawimawina dawngtute hi ASI R. Vanlalfinga, ASI Lalchhuanawma Pachuau leh Const. Lalhruaitluanga te an ni. DGP Commendation Disc hi Police hna thawk tha, Rank leh Seniority thliar lova pek thin a ni a, Police te hian an service chhungin tum khat chauh an dawng thei a ni.