Faina ah Serchhip khua in lawmman pathumna dawng

Serchhip District chuan Mizoram khawpui Fai inelna ah lawmman pathumna a dawng.
Urban Development & Poverty Alleviation Department in Mizoram khawpui Fai thlanna a buatsaih chu nimin khan Aizawl-a Republic Day lawmna ah lawmman semna neih a ni a, nikum lama District khawpui fai thlanna a lawmman pakhatna dawng tawh Serchhip chuan kumin hian lawmman pathumna a dawng a, he lawmman hian thuziak leh sumfai Rs. 50,000/- kengin Serchhip-a UD&PA Department-a thawktu ten lawmman hi an dawng a ni.

Mizoram khawpui Fai inelna ah hian District Hqrs. Fai thlanna ah Saitual chuan lawmman pakhatna dawngin Siaha chuan pahnihna an dawng a, Urban Towns Category-ah Phullen chu pakhatna niin Tlabung leh Biate ten an dawt a, Serchhip District-a Urban Town zingah North Vanlaiphai chu 11-na niin Thenzawl chu 16-na a ni bawk.