Sawrkar in insawifiahna Vawiin ah thehluh a tum

Mizoram-a Village Council dinglai te term pawhtawi a nih avanga High Court in insawifiah tura Mizoram sawrkar a hriattirna ah chhanna thehlut turin ruahmanna peihfel a ni tawh.

Thudawn danin Mizoram-a VC term pawhtawi a nih avanga High Court-a sawrkar khinna awm mekah sawrkar chu chawlhkar khat chhunga insawifiah tura tih niin Mizoram sawrkar chuan insawifiahna hi a peih tawh a, Vawiin-a Court-a thehlut turin rua-hmanna engkim peihfel a ni tawh a ni.

Tarlan tawh angin VC term pawhtawi chungchang ah hian All Mizoram Village Council Association chuan sawrkar khin an tumna hi tum hnih thehlutin chhan engemaw avanga an hnuhlet hnuah an President K. Lalngaizuala hmingin an thehlut leh a, tun thla ni 30 khian ngaihtuah leh tura ruahman a ni.