Nikum-a Mizoram sik leh sa chawhrual 21.5°C a ni

Nikum 2024 a Mizoram sik leh sa chawhrual chu 21.5 degree celcius a ni a, kum dang nena ngaihtuahin sik leh sa-ah danglamna lutuk a awm lo.

Science & Technology Department in an chhinchhiah danin nikum chhunga khaw vawh ber ni chu January ni 12 niin hemi ni a khaw vawh lam chu 10°C a ni a. Nikum chhung veka khaw lum ni (temperature san lai ber) chu September ni 22 kha niin hemi ni hian 33°C a ni. Science & Technology department thawktute chuan temperature san lai ber kha khaw vawh ni ber leh a san ber ni chu a lum ber ni a ni kher lo tih sawiin, a hniam lam (minimum temperature) kha a pawimawh tih an sawi a. Kum 10 kalta chhunga khaw vawh ber chu January 13,2017 niin 2.7°C a ni a, a lum ber chu April ni 13, 2017 niin 36.5°C a ni.

Zawhna chhangin Science & Technology Department thawktute chuan nikum chhung khan Mizoram-ah ruahtui 2295.9 mm a tla tih an sawi bawk a, nikum chhunga ni khata ruahtui tlak tam ber ni chu May ni 28 niin hemi ni hian ruahtui 205mm a tla niin an sawi. Nikum chhung khan thla tin ruahtui tla a awm ziah a, January-ah tla tlem berin 1.8mm a tla a, August ah tla tam berin 572.7mm a tla bawk a ni. Nikum-a ruahtui tlak tam ber ni, May ni 28,2024 kha kum 10 kalta chhunga ni khat-a ruahtui tla tam ber ni nia chhin-chhiah a ni bawk.

Comments