Naktuk India Republic Day

Naktuk January 26 hi India Republic Day vawi 76-na a ni a, ramchung hmun hrang hrangah he ni hi urhsun taka hman tur a ni ang.

January 26 hi kumin hian Pathianni a nih avangin Serchhip-ah chuan Republic Day lawmna hi zing dar 7:30-ah Serchhip Sports Complex-ah neih a ni dawn a, District Bawrhsap Paul L. Khuma chu khuallian niin India Hnam puanzar pawtparhin Parade chibai buk a chhanglet anga, mipuite hnenah thuchah a sawi dawn bawk a ni. Republic Day pual hian damdawi In, Jail leh Home hrang hrangah thilpek hlan a ni dawn a, kumin hian VIP At Home erawh buatsaih a ni dawn lo a ni.

Kumin a Republic Day lawmna ah hian Parade Contingent 14 awm tura ruahman niin heng Contingent te hian tunkar chho khan ngawrh takin Rehearsal an lo nei tawh bawk a ni.