Jail-a thawktute inhlan thar

Serchhip District Jail, Chhiahtlang-a thawktute chuan tunkar Ningani, January 23 khan kumthar atana inhlantharna hun hi an Pisa-a an nei a, he hun hi District Jail Superintendent C. Lalbiaktluanga chuan kaihruaiin fuihna thu a sawi bakah inhlantharna hun hi an hmang a ni. Hemi hnu hian Staff Meeting neih zui niin kum 2025 atana Mizo-ram Jail Employees Association (MJEA), Serchhip Branch hruaitu tur thlanna neih nghal a ni bawk.

Serchhip District Jail Superintendent leh Mizoram Jail Employees Association (MJEA), Serchhip Branch te hmalakna hian Serchhip District Jail Complex-a inkalpawhna kawng te chu tunhnai khan PWD Serchhip Division chuan an siam a, he hna hi tun thla ni 22 khan zofelin PWD Serchhip Divsion-a thawk te nen a lawmna hun an hmang ho bawk a ni.