MZP in NHIDCL te an ngen

Mizo Zirlai Pawl (MZP) General Hqrs. hruaitute chuan Mizoram hmun hrang hranga NHI-DCL hnuaia kawngpui siam mek te chu tha taka thawk turin an ngen.

MZP hruaitute hian nimin khan National Highways Infrastructure Development Corporation Limited (NHIDCL) Regional Office, Aizawl-a Executive Director Virendra Kumar Jakhar chu a Pisa-ah hmuin Mizoram chhunga an hnathawh hrang hrang an sawipui a. MZP hruaitute chuan tuna an hmalakna chu MZP rorelna sang ber in a lo pass tawh bawh-zuina a nih thu sawiin, NHIDCL hnuaia kawngpui siam mek te chu tha taka thawk tur leh an hnathawh chhia te a tul anga an enzui tur thu an hrilh bawk a ni. 

NHIDCL Executive Director chuan tuna Vairengte atanga Sairang kawng siam mek chu an buaipui mek zel tih sawiin, Forest Clearance an hmuh veleh chak taka an thawh zui nghal theih tur thu a sawi a, Aizawl By-pass Road Sairang atanga Aibawk pawhna tur pawh thla thar hian hna an tan mai tur thu leh kum 3 chhunga zo tur an nih thu MZP hruaitute alo hrilh a ni.