MSCPCR in thla 8 chhungin report 210 an ziaklut

Mizoram State Commssion for Protection of Child Rights (MSCPCR) hnuaiah nikum (2024) January atanga August ni 31 inkarah naupang kumtling lo laka hleilenna thleng report 210 ziahluh a ni.

    Mizoram State Commssion for Protection of Child Rights ChairPerson Jimmy Laltlanmawia sawi danin, Mizoram District 5 atanga naupang kum tlinglo laka hleilenna thleng report lut chu 210 niin Aizawl District-ah 139, Lunglei District-ah 12, Champhai District-ah 14, Kolasib District-ah 19 leh Siaha District-ah 26 te an ni tih a sawi a ni. MSCPCR Chairman chuan tunlaiah Social Media Platform hrang hranga naupang te nihna tarlan ching an awm thu leh hei hi POCSO dan kalh a nih avanga mipuite fimkhur a ngaih thu a sawi a, hetiang kawnga dan palzut te chu thla 6 chhung lung In tan bakah pawisafai cheng nuai 2 thleng chawitir theih an nih thu leh tunhnaiah Youtuber 5 leh Facebook hmangtu 2 lakah dan ang a hma an lak thu a sawi bawk.