MPSC leh MZP te an inkawm

Thla hmasa December 12-a MZP ten thuchhuah siama MPSC-in Entomologist hna a lak dan leh Veterinary Asst. Surgeon hna a lak dan chhuichianga a tul anga hma la tura Mizoram sawrkar an ngenna leh December 20, 2024 thleng an ngaihchan tur thu an sawi kal zelah niminpiah khan MPSC-a thawktute leh Mizo Zirlai Pawl (MZP) General Hqrs. hruaitute chu MPSC Pisa-ah an inkawm a. He hunah hian boruak tha tak hnuaiah inkawmna neiin MZP in an thil hriat duh leh hriatchian loh an neih hrang hrangte leh dikhlel ni a an ngaih laite hmaichhanah inhrilhfiahna a ni. MPSC leh MZP hian hun lo kal zel turah thawhhona tha tak nen inpawh taka hmalak ho zel tha an ti a, MPSC zahawmna humhim a nih zel theih nan leh tha taka a kal theih nan thawhdun zel nise an ti bawk. MPSC chuan an hnathawhna kawngah hriatchian duh an neihte zawt fiah a, a tul ang zela thurawn pe a, finchhuah thin turin MZP te hi ngenin an sawm bawk a ni.