Mizoram Special Voluntary Retirement Scheme siam thar

Mizoram sawrkar chuan sawrkar hnathawk zinga an hna thawk chhunzawm thei lo tan pension scheme thar, 'Mizoram Special Voluntary Retirement Scheme 2024' a siam.

Mizoram Special Voluntary Retirement Scheme 2024 hian sawrkar hna a ngheta thawk 'CCS (Pension) Rules, 1972' leh 'Mizoram New Defined Contributory System, 2010' hnuaia awmte a huam a; Mizoram sawrkarin a duh hunah a ennawnin a siamtha thei a ni. He Scheme hmang hian sawrkar hnathawk nghet, Voluntary pension-a chhuak tura an hnathawh hun chhungin la pha si lo, an hna thawk chhunzawm thei tawh si lote'n Special Voluntary Pension an dil thei dawn a. Scheme hmanga chhuak duh an awm a nih chuan an thawhna Department kaltlangin Finance Department-ah Special Volunatry Pension dil tur a ni a; chhuah hun atana an duh kum, thla leh ní tarlan tur a ni.

Finance Department chuan Special Voluntary Pension dilna an dawnte chu an zirchiang zel dawn a, a kaihhnawih Department hnenah an remtih leh remtih loh an zawt thin ang. Special Voluntary Pension an awmin Mizoram sawrkar atanga phalna an hmu a nih loh chuan an hmun ruakah mi dang dah theih a ni lo thung a ni.