Truck neitu ten tlan loh rel

Mizoram Truck Owners Association (MTOA) leh Mizoram Truck Drivers' Association (MTDA)-te chuan Vairengte leh Sairang inkar kawng chhe lutuk avangin January ni 23 atangin an tlan dawn lo tih an tarlang. MTOA leh MTDA te hi nimin khan thukhawmin hemi hnua thuchhuah an siamah Vairengte leh Sairang inkar kawng chhe lutuk chungchang an ngaihtuah tih an tarlang a, kawng chhia avangin an truck-te a chhiat nasat thu tarlangin, nunna atan pawh a hlauhawm tak hial avangin January ni 23 atangin an tlan ngam tawh dawn lo tih an tarlang a, Truck tlan ngama kawng siam a nih hma chuan Mizoram chhungah bungraw phur Truck engmah a tlan dawn lo tih an tarlang.