Lengpui Airport sum hmuh tura beisei zat hmu dawn hnai

Sawrkar kum kal meka Lengpui Airport in sum a hmuh tura beisei zat chu an hmuchhuak dawn hnai nia thudawn a ni.

General Administration Department (GAD) hnuaia Civil Aviation Wing atanga thudawn danin, April 2024 atanga tun thlengin Lengpui Airport atanga sawrkara sum lut tawh zat chu Rs 13,44,17,180 a ni a, sawrkar kum kal mek 2024-2025 chhunga an sum hmuh tura bituk chu cheng nuai 1795 a ni a, tunah hian thla hnih chhung hun la awmin cheng nuai 1344 chuang an hmu tawh a ni.

Lengpui Airport-a sum hmuhna hnar lian ber chu Usher Development Fee (UDF) leh Aviation Security Fee (ASF) te a ni a, hetah hian cheng nuai 1000 hmuh tni tawhin Rental Charges te, Display Hoarding leh Lengpui Airport-a Parking Fee an lakte atangin sum hmuh a ni bawk. Sawrkarin 2024-2025 chhunga Lengpui Airport leh Helicopter chuanman atanga sum hmuh tur a bituk chu cheng nuai 1795 a ni a, Lengpui Airport leh helicopter chuanman atanga sum an hmuh zawng zawng hi cheng nuai 1558 a tling tawh a. An target atanga sum an la hmuh tur hi cheng 236 chuang a ni.

Lengpui Airport-ah hian khualzin an pung zel a, ni tin Lengpui Airport-a rawn lut mi 700 leh hmundang pana thlawkchhuak mi 700 vel an awm anga chawhrual theih niin, ni tinin mi 1400 vel khualzin an awm ziah ang a ni.