Jadui Pitara leh e- Jadui Pitara chungchang zirho

Nimin khan Aizawl-a SCRET Auditorium-ah Primary Sikul leh Anganwadi Zirtirtute tan Jadui Pitara leh e- Jadui Pitara Workshop neih a ni.

He Workshop hawnna hunah hian SCERT Director Caroline Zoramthangi chuan NE State zingah Mizoram chu mahni tawng leh hnam ziarang mila Jadui Pitara Contextualised hmasa ber kan ni tih sawiin, NEP 2020 leh NCF-FS 2022-in naupang kum 3 – 8 inkarte zirna kalpui dan tur a duan ang zulzuia siam Jadui Pitara hi SCERT Mizoram chuan Mizoram mila herrem a thil tangkai tur thenkhatte dah belhin, ‘Thiamna Thûl’ tiin a vuah thu a sawi a. Domain tina naupangte hmasawn theihna turin Thiamna Thûl-ah hian zirna hmanrua sawmthum (30) dah niin, heng hmanruate hmanga infiamna leh activity hrang hrangte atang hian naupangte chuan chîk taka ngaihtuahna hman thiamnate leh harsatna sutkian dante an zir chhuak thei dawn tih a sawi a. Tualchhunga hmuh mai theih hmanrua, infiamna bungrua leh hnam ziarang pholang theite pawh Thiamna Thûl-ah hian seng luh belh theih a nih thu a sawi bawk a ni.

North East Regional Institute of Education (NERIE), NCERT bultuma buatsaih he Workshop-ah hian Primary School zirtirtu 53 leh Angwandi Worker mi 28 an tel a ni.