Kawng \ha neih sawrkar in a ngaih pawimawh tih sawi

Serchhip District Bawrhsap Paul L. Khuma chuan Inkalpawhna kawng tha neih chu sawrkar chuan a ngai pawimawh em em tih a sawi. India Republic Day 2025 lawmna Serchhip-a neiha thu a sawi ah Bawrhsap Paul L. Khuma chuan inkalpawhna kawng tha neih sawrkar in a ngaih-pawimawh thu sawiin, Kawng chei thatna Maintenance Fund atan sawrkar kum kal mekah Ser-chhip Division PWD ten cheng nuai 33.16 an dawn thu leh km 7.5 a thui kawng an chei that thu a sawi a. “Sum cheng vbc. 6.37 an hmuh hmangin Ser-chhip, East Lungdar, Chhingchhip, Chhiahtlang leh North Vanlaiphai-ah te kawng km 58.46 a thui siam hna an thawk mek a. Leisang Veng atanga Sports Complex panna kawng bakah Chhiah-tlang Primary School-II leh District Jail panna kawng black top hna pawh thawh zawh a ni tawh. Heng bakah hian Chhingchhip, Tlungvel, Keitum leh Khawlailung-ah te kawng cheithat hna thawh zawh tawh leh thawh mek engemawzat an nei bawk,” a ti.

Kum kalta chhung khan Serchhip District chhunga kuthnathawktuten thei leh thlai an tharchhuak hnem hle pawh Bawrhsap chuan sawiin, Mizoram-ah Zikhlum tharchhuak tam ber niin quintal 10,661 zet an tharchhuak tih a sawi bawk.