Kangmei Ven Hapta hman leh a ni dawn

Kangmei venna Hapta, Fire Prevention Week 2025 chu kumin hian February 10-15, 2025 chhung khian hman leh a ni dawn.

    Nimin khan State Level Sub-Committee on Fire Prevention 2025 chu Secretariat Conference Hall-ah an thukhawm a, kumin a kangmei ven kawnga hmalak dan tur hrang hrang relin Fire Prevention Week 2025 chu 'Ram tikang lo tura tan kan lak hian hma hun eng zawk kan insiam a ni' (We care for future if we care not to cause fire) tih thupui hmangin February ni 10 atanga 15, 2025 chhungin hman leh nise an ti a. Kum 2025 atana Lo hal ni hnuhnung atan March 15, 2025 chu ruatin, Lengpui leh a chhehvela Lo hal turte chuan tlai lam dar 3:30 hnu lamah chauh hal tan turin an rel bawk a ni. Kumin hian kangmei ven kawnga hma la tha khua leh District-te hnenah lawmman hlan tura rel niin pakhatna in Rs.50,000, Pahnihna in Rs. 30,000 leh Pathumna in Rs. 20,000 theuhte an dawng dawn a ni.