Election Observer in Serchhip District a tlawh

Village Council Inthlanpui neih tura Serchhip District tana Observer tura ruat UD&PA Department-a Joint Director C. Lalduhzuali chuan Serchhip District rawn tlawhin VC Inthlanpui neih tura inbuatsaihna hrang hrang a enpui.

Serchhip District VC Inthlanpui a Observer C. Lalduh-zuali hian niminpiah khan Serchhip District rawn thlengin Khumtung,  Baktawng, Chhuanthar Tlang-nuam, Hmawngkawn, Mualpui Chhingchhip, Chhingchhip, Chhiahtlang North leh Chhiah-tlang South VC huamchhunga Polling Station hrang hrangte tlawhin an dinhmun a enfiah a, hemi hnu hian Serchhip rawn thlengin zan a riak nghal a ni.

Observer hian nimin khan Serchhip District Election Officer leh Bawrhsap Paul L. Khuma chu a Pisa-ah hmuin he inthlanpui neih tura inbuatsaihna hrang hrangte a sawipui a. Hemi hnu hian Village Council area thenkhata inthlan chuh tura Nomination paper thehluh enfiahna chu a telpui a, Buangpui,  Neihloh, Kanghmun South khua te tlawh lehin Polling Station hrang hrangte a enfiah leh bawk a ni.