Co-operation Department te inhlantharna nei

Co-operation Department-a Officer leh Staff te chuan nimin khan kumthar 2025 atana inhlantharna hun Aizawl-a RCS Office-ah hmangin Co-operation Minister PC. Vanlalruata chuan a telpui a, he hunah hian Minister chuan Pathian kaihhruainaa 2025 kumthar dam taka an chuangkai thei chu a lawmawm hle tih sawiin, thawktute chu kawng hrang hranga fuihin tanlak a ngaih thu leh rinawm taka hna thawk turin a chah a. Co-operation Department chu Department lian vak ni lo mahse sawrkar flagship programme-ah hmun pawimawh tak a chan tur thu a sawi a. Co-operation Department hnuaia enkawl mek Society zawng zawngte tichak turin tanlak a ngaih thu a sawi bawk. He hun hi RCS John LT. Sanga chuan a kaihruai a ni.