World AIDS Day hmang

Zonuna Kawlni (LENKAWL) • December 3, 2024 • Comments • Mizoram

December 1-a World AIDS Day hman thin chu kumin hian Pathianni a nih avangin nimin khan Mizoram District hrang hrangah he ni pual hian hun hman a ni. District AIDS Prevention & Control Committee te bultumin District hrang hrangah sawrkar hotulu te kaihhruaina in World AIDS Day hi hman a ni a, kumin thupui, ‘I hriselna chu i mawhphurna a ni, kawng dik zawh ang che’ tih hmangin mithiamten mipui an zirtir a, AIDS veite endawng lo tur leh a inven lama uar zawka hmala zel turin an infuih thar a ni. World AIDS Day pual hian MSACS-a thawktu te chuan ruihhlo ngaite enkawlna Home pathum tlawhin HIV/AIDS chungchang an sawipui a, MSACS hian Inrinni khan Mizoram District 11-a ruihhlo ngaite enkawlna Home thlan bikah World AIDS Day pual hian buhfai an lo sem tawh bawk a ni.