Serchhip Traffic Police te chuan nimin atang khan Serchhip khawpui chhungah ngaihhnathiamna tel lova Traffic Dan bawhchhiate enfiah runpui, 'No Tolerance Drive/Checking' an nei tan a, he hunah hian Serchhip Bazar leh New Serchhip lamah lirthei chi hrang hrang enfiah hna kalpui niin document fel lo te dapchhuah hna thawh a ni a, nimin bikah lirthei 417 enfiah niin heng atang hian dan zawm lo mi 17 hmuhchhuah an ni a, heng mi te hi Dan in a phut anga pawisa chawitir niin Dan zawm lo hmuhchhuah te pawisa chawitir hi Rs. 33,000/- a tling a ni. Serchhip-a Traffic Police te chuan mipuite chu an lirthei document a fel em tih enfiah tura chahin, in man kher ngai lova Dan zawm turin an chah a. He hmalakna hi hunpui vuakvet chhunga kalpui tur a nih thu an sawi bawk a ni.
