Ui chhuah zalen khap a ni
Hemi chungchanga tun thla ni 10-a thupek a tihchhuah ah Serchhip District Magistrate Paul L. Khuma chuan India ram chhung leh Mizoram chhungah faina leh hriselna lama hma kan sawn theihna turin sawrkar-in chak takin hmalakna a kalpui mek thu leh Serchhip District chhungah pawh mipuiten faina leh hriselna lama hma kan lo sawn zel theih nan theihtawpa hmalakna kalpui a ni bawk tih a tarlang a. Hetihlai hian Ui khuahkhirh lova khawlaia chhuah tir thin hian khawtlang faina, himna leh hriselna a nghawng theih bakah khawtlang hma-sawnna leh changkanna daltu a ni thei, a ti a. Hei vang hian Section 163 of Bharatiya Nagarik Suraksha Sanhita, 2023 tlawhchhanin mi tumahin midangte tana harsatna siam zawng leh midangte tana hnawksak in Ui an vulh tur a ni lo, a ti a. Ui vulhtuten khawlai ah an Ui te an chhuah zalen tur a ni lova, khawlaia an chhuahpui dawnin hrui/chain rinawm tha taka hlingin an kai ngei tur a nih thu te; Ui khawlaia tla leh a nghawnga hrui/chain-a thlunna awm lo te chu neitu awm lo anga ngaih a nih tur thu leh Ui vulhtu ten an Ui vulhte zun leh ek khawlaiah an hnutchhiah tur a ni lo tih te tarlangin, “Ui vulhtuten an an Ui vulh te tha takin an khuahkhirh tur a ni,” a ti bawk.
He thupek hian thu leh awm hma chuan thla hnih (2) chhung hman tura ruahman niin thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang tih a tarlang tel bawk.
Comments
Post a Comment