Thi aia piang tamna 18 tling

Thla kalta November thla chhung khan Serchhip District-a mitthi aiin nau piang chhinchhiah chu 18 chauh in an tam zawk.

Serchhip-a District Research Officer (DRO) Office atanga LENKAWL in thu a dawn danin thla kalta November 2024 chhung khan Serchhip District a khaw hrang hrangah nau piang chhinchhiah 49 an awm a, heng te hi mipa 28 leh hmeichhia 21 niin hemi hun chhung vek hian mitthi chhinchhiah 31 an awm bawk a, heng te hi mipa 25 leh hmei-chhia 6 niin hemi hun chhung hian mitthi aia nau piang an tamna hi 18 chauh a ni. Chhinchhiahna atanga a lan danin nau sen piang ah hian mipa leh hmeichhe zat a inthlauh loh laiin mitthi-ah erawh mipa leh hmeichhia an inthlau hle thung a, mitthi chhinchhiah atanga za zela chhutin za zela 80.64 zet chu mipa an nih laiin hmeichhe thi hi za zela 19.35 an ni thung.