SOC General Body Meeting neih a ni

Zonuna Kawlni /

Serchhip Officers’ Club (SOC) chuan nimin khan Bukpui-a P&E Rest House-ah General Body Meeting neiin hruaitu an thlang a, Advance Krismas leh Charity Programme an nei nghal bawk.

SOC ten nimin tlai-a hun an hman hi an President R. Lalrintluanga chuan kaihruaiin Secretary (Information & Publicity) Lalnunmawii MIS chuan hunserh a hmang a, Secretary Samuel Saithuamliana chuan kum 2024 chhunga SOC-te chetvelna Report a pek bakah Isaac Lalchhuanmawia, Treasurer-in Finance Report a pe bawk.


He hunah hian an Member Pension-a chhuak te thlahna hun hmangin Ricky Lalsangzuala, Lalthianghlima Varte, H. Lalduailova leh RK. Sanghmingliana te thlah an ni a, Ricky Lalsangzuala hian Krismas thuchah a sawi bawk a ni.

Kum 2025 chhunga SOC hruaitu tur thlanna neiin President-ah R. Lalrintluanga (DHO); Vice President-ah Dr. H. Vanlalrawna (DVO); Secretary-ah Lalsiampuii (DCPO); Secretary (Games & Sports)-ah Dr. Lalawmpuia (Lecturer DIET); Secretary (Information & Publicity)-ah Lalnunmawii (DIPRO); Treasurer-ah Er. Isaac Lalchhuanmawia (Sr. EE (PHE) leh Fin. Secretary-ah Er. Laldawngliana (Sr. EE P&E) te thlan an ni a, Charity puala thawhlawm khawnin heng te hi hruaitu ten a sem dan tur an la ruahman leh dawn a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »