Serchhip District Wrestling Championship neih a ni
He Wrestling Championship hi Mizoram Wrestling Association (MWA) President Ngurthansanga chuan khuallian nia hawngin Ser-chhip District Wrestling Association ten an hruaitu boralta hriatrengna atana hetiang hun an buatsaih chu lawmawm a tih thu leh MWA pawhin an ngaihhlut thu a sawi a. MWA hmachhawp hrang hrangte sawiin, SDWA ten an mamawh an thlen thin te pawh sawrkar thar-ah an tih hlawh-tlin sak ve theih tawh an beisei thu an sawi a. SDWA ten anmahni-a Coach an intodelh chu chhuanawm a tih thu a sawi bawk.
He Championship hawnna hun hi Serchhip District Wrestling Association President K. Tlangthanmawia chuan a kaihruai a, a hawnna hun hman zawh a nih hnu hian intihsiakna neih nghal niin Mipa-ah Category 6 leh Hmeichhia-ah Category pathum-ah inelna neih a ni a, Serchhip atangin infiammi 20, Thenzawl atangin mi 9 leh East Lungdar atangin mi 9, an vaiin mi 38 an tel a, Inrinni vek khan zawhfel nghal a ni.