Agriculture Minister in Dragon Fruit chingtute a hmanpui

Thenzawl Dragon Fruit Growers & Marketing Society chuan Inrinni khan General Assembly Vawi 4-na hmangin Agriculture Minister PC. Vanlalruata chuan khuallian niin a hmanpui a ni.

Lamlian Dung Zau Gaby’s Farm-a Thenzawl Dragon Fruit Growers & Marketing Society General Assembly-ah hian Agriculture Minister chuan Zau ang zawnga hmalak chu sawrkar auhla a nih angin kalpui an tum tih a sawi a, sawrkar tana Model ni thei tura Lamlian Dung Zau a Thenzawl Dragon Fruit Growers & Marketing Society te hmalakna chu fakawm a tih thu a sawi a. Local Soda Pvt. Ltd te nena thawhhona thuthlung an ziak pawh Minister chuan lawmawm a tih thu sawiin, kut-hnathawktuten thei leh thlai an tharchhuahte chu thei tui emaw, wine a siamchhuah a nih theih nan dan siamthat tum mek a nih thu leh Food Processing lama hmalak an tum dan te a sawi a. Kut-hnathawktuten man man zawka an tharchhuahte an hralh theihna tura hmalak chu sawrkarin a tum ber niin, ZPM sawrkar chuan kuthnathawktute a dah pawimawh ber a, kuthnathawktute lamah sawrkar a tang tlat dawn tih a sawi a, thawhhona tha tak an neih a pawimawh thu a sawi bawk.

Thenzawl Dragon Fruit Growers & Marketing Society General Assembly hi an Chairman C. Lalrinthanga chuan a kaihruai a, Lamlian Dung zau kawng laih tur chungchang leh tuikhuah tur chungchang report ngaihthlak a ni bawk a. Minister PC. Vanlalruata hi Adviser to Chief Minister Lalmuanpuia Punte, Aizawl South-III Bialtu MLA Baryl Vanneihsangi leh South Tuipui Bialtu MLA Jeje Lalpekhlua ten an tawiawm bawk a ni.

Thenzawl Dragon Fruit Growers & Marketing Society hi kum 2021 atanga din niin tun dinhmunah member 40 an awm mek a, Local Soda Pvt. Ltd te nen Market atan kum thum (3) chhung atan MoU an ziak a, tunah hian Dragon Fruit an tharchhuah te chu an hralhchhuak mek a ni.