PTS Thenzawl-ah Winter Carnival neih tan a ni

Nimin atang khan Thenzawl-a Police Training School (PTS)-ah Winter Carnival neih tan a ni a, Vawiin hian chhunzawmin zanin-ah khar a ni ang.

Ni hnih (2) chhung awh tur Winter Carnival hi PTS Principal Ruatsanga Ralte MPS chuan hawngin Police Training School-a Police thawkte leh mipui mimir inkarah inpawhna tha a awm theihna tura he hun hi buatsaih an nih thu leh hah taka Police training mek ten boruak danglam leh zangkhai zawk an hip ve theihna tura he hun hi buatsaih a nih bawk thu a sawi a. He hunah hian Mizoram hmun hrang hranga mi a duh apiang tel turin PTS Principal chuan a sawm a ni.

Winter Carnival hi Vawiin, December ni 18, 2024 thleng neih a ni dawn a. Intihhlimna chi hrang hrang buatsaih niin Food Fest, Games, Fun activities, Expo leh a dangte neih a ni a, hei bakah hian December ni 17 leh 18, 2024 zan ah Concert neih a ni dawn bawk a ni.