PAHOSS sum bang vbc. 20 chu LMC tan dah a ni

Sawrkar hmasa hunlaia PAHOSS sum la hman ban cheng vbc. 20 chu Lunglei Municipal Council (LMC) tan dah hran a ni.

LMC hotute hian hma an lak dan leh hmachhawp chu Zirtawpni khan Lunglei-a thuthar thehdarhtute an hrilh a, he hunah hian LMC Chairman Lalzuithanga chuan LMC-in kum hnih hmel a hmu ta tih sawiin, sawrkarin a enkawlnaah an lawm tih a sawi a. LMC chu mahni-a inenkawl thei tura ngaih a nih angin chumi tur chuan an inpuahchah reng a. Motor Parking Fee lak, Advertisement leh Hoarding tar phalna, Building Regulation leh Ui khuahkhirhna dan sawrkarah thehluh a ni tawh a; PAHOSS sum bang a\angin vbc.20 chu LMC tan dah niin rotling tak siamnan hman a ni dawn tih a sawi a. Dawr siam phalna mi 750 hnenah pek a ni a, bawlhhlawh sawngbawlna tur hmun hnih ah peihfel \ep a ni a, bawlhhlawh thliar tura hmalak mek niin Faina lama hmalaknaah khawlai phiatfaitu – Sanitation Worker 24 an awm mek a, Ward fai inelna LMC Award 2024 lawmman chu nakum March-ah sem tum a ni tih a sawi bawk.

LMC Chairman chuan thawktu 36 lak phalna sawrkarin a pekah sum indaihlohna avangin Post nghet 5 leh nghet lo 13 lak tum a ni tih sawiin, Urban Local Body (ULB) an nih tak avangin Property Tax 3.42% lak a ni dawn a, heta \anga 80% hi vengchhung hmasawnna hna thawhnan hman a ni dawn tih a sawi a. LMC chuan Convention Centre an enkawl tawh a, Saikuti Hall pawh an enkawl dawn tih a sawi bawk a. Nakumah chuan Krismas dawnah Veng chei \ha lawmman pek tum a nih thu pawh sawiin, kuminah pawh mahni In leh a vel, khawpui te thianghlim taka vawng \heuh turin Lunglei mipuite a chah a ni.