Mi puih tumna lamah thi

Serchhip District chhung Hmuntha khuaa cheng V. Lalruathlua (43) chu Melthum dai-a midang puih a tumna ah chesualin nimin khan a boral a, nimin vek khan vuiliam nghal a ni.

Thudawn danin V. Lalruathlua te hi nizan hmasa khan a nupui leh a fate nen Aizawl-ah Chawhmeh pe paha Krismas atana Bazar tumin Pik-up (Yodha) in an kal a, Aizawl thlen hma deuh Melthum tawngtaina bulah Sangau Maxi Cab chu kawngchhak kawr-ah lo tlain hemi hnukchhuak tura puih tumin hrui vel a la tur chu kawngthlang ah a tla palh a, a theih anga buaipui nghal ni mah se a tlakna hi kham awih a nih avangin duh anga chet lak theih a ni lo a. Hei vang hian Aizawl DC, Kulikawn Police leh Central YMA atangin Rescue Team ten an theih anga hma la zuiin zing dar 4:35-ah a ruang hmuh a ni a, zing dar 6:00 velah a ruang hi lakchhuah a ni. V. Lalruathlua ruang hi ZMC-ah Postmortem niin hemi hnu hian an khua ah a ruang hi lak a ni a, nimin vek khan vuiliam nghal a ni.