Hman khat daih Plastic khap

Mizoram sawrkar-a Urban Development & Proverty Alleviation Department (UD&PA) in kum 2021-a thuchhuah a lo siam tawh angin Mizoram chhungah hman khat chauh daih-Single Use Plastic (75 micron chhahzawng aia te) chuan kan ram leilung, boruak leh luite a ti bawlhhlawh in, mihring hriselna a thalo zawnga nghawng thei a nih avang leh khuarel chhiatna nasa taka a belh-chhah bawk avangin Serchhip chhungah hmankhat chauh daih Plastic, Single Use Plastic (SUP) te hi hman khap a ni tih Serchhip District Bawrhsap Paul L. Khuma chuan hriattirna a chhuah a; Dawrkai leh mipui ten he hriattirna hi lo ngaipawimawha hmang tawhlo tura ngenin a hriattir bawk a ni. Heng hman khat daih Single Use Plastic (SUP)-te aiah hian puan ipte, paper bag, adt., hmang zawk turin a hriattir bawk a ni. He thupek zawm lova man an awm a nih chuan Section-15 of Environment Protection Act, 1986 hnuaiah dan angin an chhungah action lak a ni a. Kum 5 thleng jail tan theih leh pawisafai Rs.1,00,000/- (Cheng Nuaihkhat) thleng chawi theih a ni bawk.