Governor in Bishop duhsakna a hlan

Zonuna Kawlni /

Kan hma lawka hunpui lo thleng tur Krismas, 2024 leh Kumthar, 2025 pualin Mizoram Governor Dr. Hari Babu Kambhampati chuan nimin tlai khan Aizawl Bishop, Most Reverend Stephen Rotluanga chu Aizawl-a a chenna, Bishop House, Ramthar Veng-ah tlawhin duhsakna a hlan.

Governor Dr. Hari Babu Kambhampati chuan zirna leh vantlang rawngbawl kawnga an hmalaknate fakawm a tih thu Bishop hi hrilhin, “Zirna leh hriselna te hi hmasawnna kawnga pawimawh tak a ni,” a ti a. Mipui tana an rawngbawlna te chhawmnung zel turin a sawm a ni. He hunah hian Most Reverend Stephen Rotluanga chuan Mizoram-a an hmalakna hrang hrangte tarlangin, Governor-in a chenna hmun ngeia rawn tlawha duhsakna a hlan avangin lawmthu a sawi bawk.
Most Reverend Stephen Rotluanga hi Roman Catholic Diocese, Aizawl-a Bishop pahnihna leh Mizo zinga hetiang dinhmun thleng thei awmchhun a ni a; February ni 2, 2002 khan Bishop ni tura nemngheh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »