Elimination of Gender Based Violence Campaign kharna nei

District Hub for Empowerment of Women (DHEW) Serchhip huaihawtin ‘16 Days Campaign on Elimination of Gender Based Violence’ kharna hun chu nimin khan Serchhip P&E Veng YMA Hall-ah hman a ni.
Serchhip-a DPO mawh-phurhna la mektu James Lalremliana kaihhruaia he hun hman ah hian VL. Remruatpuii, Gender Specialist chuan Gender Based Violence chung-chang sawifiahin, Hmeichhiate chunga hleilenna thleng thin chu vawilehkhata tihbo mai theih ni lo mah se thawktu hrang hrang ten theihtawp chhuaha mahni zawn theuhah hma an lak a, midang te hnena hmeichhiate venhimna dan awm te hrilha hleilenna tuartthin te pawhin an auchhuah ngam a, an mamawhna zawn a puitu tur an awm a ni tih an lo hriat chuan an hnathawh ten mi tam tak nunah danglamna ropui tak a thlen thei dawn tih a sawi a ni.

He hunah hian Angela Vanlalruati, Case Worker in hmeichhia te hleilenna tawrh thin hrang hrangte sawi zauvin, hmeichhia hleilenna tuar te tana tlukluhna tur leh an belh turin One Stop Centre (OSC) chu engtiklai pawh a pan theih leh biakpawh theihin a awm reng tih a sawi a. He OSC-ah hian ni 5 leh zan 5 thleng awm theiin an awm chhungin an mamawh hrang hrang, Medical Assistance, Judicial Assistance leh an himna tur ngaihtuaha buaipui thin a nih thu a sawi bawk a ni.

Nimin-a he hun hman ah hian Gender Based Violence Campaign Poster siam intihsiak lawmman semin Lalrinngheti, Resident Superintendent chuan Shakti Sadan hnathawh hrang hrang inhrilhhriatna hun a hmang bawk a ni.