Buhfai dahkhawl sa a tam

Food, Civil Supplies & Consumer Affairs Minister B. Lalchhanzova’n krismas leh kumthar vuakvet atan Mizoramah buhfai dahkhawl a tam tawk tih sawiin, buhfai chhekkhawl chungchang ah harsatna lian tham thleng a awm tih a sawi a, tunhnai khan Bairabi-ah Transformer kang a awm avangin harsatna tenau deuh chu thleng ve mah se buaina lian a awm lo niin a sawi. Supply Minister B. Lalchhanzova chuan Food Corporation of India (FCI) atangin buhfai lakluh zel a nih thu pawh sawiin, hei bakah hian mipui mamawhna avangin hmun dang atanga lakluh a nih bawk thu a sawi a, hunpui lo thleng tur atan bufai-a buaina awm lo turin Mizoram sawrkar a inbuatsaih tih a sawi bawk.