Apex Bank in Award an lawm

Zonuna Kawlni (LENKAWL) • December 4, 2024 • Comments • Mizoram

Mizoram Cooperative Apex Bank Ltd. in 'Annual Performance Award For Best Performing State Cooperative Bank II-Tier Structure 2023-2024' an dawn lawmna chu nimin khan Tourist Lodge, Chaltlang-ah neih a ni a, he hun hi Cooperation Minister PC. Vanlalruata chuan a hmanpui a ni. Mizoram Cooperative Apex Bank hi July ni 31, 1982 khan Mizoram Sawrkarin a din a. Apex Bank hnuaiah hian tun dinhmunah thawktu 300 chuang awmin Branch 30 leh ATM 38 vel an enkawl mek a. India rama 2 Tier State Cooperative Banks zinga tehfung hrang hranga titha ber hi a kum zawnin kum 2022-23 leh 2023-24-ah te Apex Bank hian a lo dawng tawh a. He lawmman hi November ni 26, 2024 khan an dawng leh a ni. Tun dinhmunah Apex Bank hian Deposit cheng vbc. 1539.2 a dawn atangin loan cheng vbc. 1206.1 pechhuakin, deposit an dawn atanga loan an pek chhuah tehfung (CD Ratio) chu 78.8% a ni.