Vawk thi awm belh leh

Zonuna Kawlni (LENKAWL) • November 4, 2024 • Comments • Serchhip

Serchhip District-ah African Swine Fever (ASF) hri leng mek chu ala reh hlei thei lova, Inrinni khan Serchhip District-ah ASF avanga Vawk thi leh suat chhinchhiah belh a awm loh hnuah nimin khan Baktawng khua ah Vawk 4 leh Chhuanthar Tlangnuam-ah vawk pakhat a thi leh a, Baktawng-ah hian Vawk 3 suat ni bawkin Chhuanthar Tlangnuam-ah hian Vawk 6 suat a ni bawk a, New Serchhip Sout-ah Vawk suat pakhat chhinchhiah a ni bawk. Heti hian Baktawng khua ah hian kumin chhungin ASF vanga Vawk thi 243 awmin Vawk 445 suat a ni tawh bawk a, Chhuanthar Tlangnuam-ah Vawk 127 thiin Vawk 717 suat a ni tawh bawk a ni.

Serchhip District pumah kumin chhung hian ASF vanga Vawk thi 3471 chhinchhiah ni tawhin Vawk 7023 suat a ni tawh bawk a. Mizoram pumah kumin chhung hian ASF vanga Vawk thi 14,358 chhinchhiah ni tawhin Vawk 23,808 zet suat a ni tawh bawk a ni.