Ruihhlo vangin 61 thi tawh

Kumin chhungin Mizoram-ah ruihhlo vanga thi mi 61 an awm tawh.

Excise & Narcotics Department ten an chhinchhiahna atanga a lan danin kumin a ruihhlo avanga Mizoram-a thi mi 61 te zinga 53 chu mipa niin midang 8 te chu hmeichhia an ni a, kum 19 leh kum 52 inkar an ni. Heng mi 61 te zinga 34 te chu Heroin hmansual vanga thi niin mi pahnih erawh chu Heroin hmang lo an ni thung a, heng zinga pakhat hi Alprazolam leh damdawi ruihhlo chi dang vanga thi niin a dang pakhat hi khuh damdawi leh Ganja vanga thi an ni a, midang te chu Heroin leh damdawi dang hmangsual te an ni.

Excise & Narcotics Department hian kum 1984 atangin ruihhlo vanga nunna chan zat hi an chhinchhiah a, kum 2024 thlengin ruihhlo vangin mi 1873-in nunna an chan tawh nia chhin-chhiah niin heng te hi mipa 1648 leh hmeichhia 225 an ni.