Budget siam dan inzirtir

Mizoram sawrkar-a Finance Department chuan Department hrang hranga DDO leh Budget buaipuitute chu niminpiah khan Aizawl-a ATI Auditorium-ah kokhawmin Budget siam dan kalphung inzirtirna 'One Day Training on Budget Circular 2025-25' an buatsaih a, Sawrkar kum 2024-25 Revised Estimate leh 2025-26 Budget Estimate kalpui dan tur te zirho a ni. He hun hi Finance Secretary Lalthansanga chuan hawngin Department tina DDO te leh Account lam khawihtute chu Sawrkar sum enkawltu pawi-mawh tak an nih thu sawiin, taima tak leh fimkhur taka sum leh pai enkawl hna thawk turin a fuih a. Audit para chhanfel thuai a tul thu te leh Sawrkar sum enkawl kawnga tan lakna turte a tarlang bawk a ni.

He hunah hian nakum Sawrkar kum thar budget ruangam duanna a thil thar tih ngai te sawi zau niin Budget Circular chungchang inhrilhfiah a ni a, Gender Budgeting chungchang pawh he hunah hian zirho a ni bawk.