MSU President manin Jail-ah dah a ni

Mizoram Students Union (MSU) General Hqrs. President Samuel Zoramthanpuia chu nimin khan Anti Corruption Bureau (ACB) leh Aizawl Police Station-a duty-te chuan manin Central Jail-ah dah a ni.

Thudawn danin, MSU President Samuel Zoramthanpuia hi nimin khan Anti Corruption Bureau (ACB) te chuan manin midang bum leh Vantlang sum diklo taka hman thubiai siam sakin Aizawl Police Station-a duty-te chuan mi rukbo, an kal duhna a kal thei lo tura hrenbeh leh midang lak atanga dan lova pawisa chhuhsak thubuai an siam sak a ni. Samuel Zoramthanpuia hi nimin vek khan Aizawl District Court-ah hruai nghal a ni a, thubuai an siamna hi Non-Bailable (Bail theihloh) te a awm nual avang leh Anticipatory Bail a lo dil bawk si loh avangin Court chuan thuneitute kut-a awm zui rih tura tiin Jail-ah dahluh nghal a ni a, Court-ah Bail-a chhuah a dilna chu karleh Thawhtanni khian ngaihtuah leh tur a ni ang.