Monitoring Committee in Thenzawl-a hnathawh enfiah
Mizoram State Project Monitoring Committee (MSPMC) hian an Vice Chairman R. Lal Rinawma hova helai hmun hi enfiahin Sangha dahna tur dil hrang hrang, Rearing Tank leh Nursery Tank siam te bakah building sak thar te chu uluk takin an endik a. Hemi hnu hian Staff Guest House-ah thukhawmin, hnathawh tha tawklo lai an hmuh te an sawi a. MSPMC Vice Chairman chuan Sangha-a kan intodelh nan hmachhawp lian tak an nei tih Fisheries Department hotute chu a hrilh a. Thahnem ngai tak leh tih takzeta thawk tur leh a hlawhtlin ngei theihna tura hma la turin a chah a. Brood Banks a lo hlawhtlina, a kal leh zelna tur atan Visionary Plan tha an neih a pawimawh tih a sawi a ni.
He hunah hian Fisheries Department Joint Director Zonuntluangi chuan Mizoram State Project Monitoring Committee in Thenzawl-a Brood Banks a hmuna an tlawh leh an hmalak leh zelna tura thurawn tha tak tak an pe chu lawmawm a tih thu a sawi a, an thurawn pek te chu theih-tawpa an bawhzui tur thu a sawi a ni.
Nimin-a Brood Banks-a hnathawh mek enfiahna ah hian MSPMC Secretary Er. Lalthan-zuala Ralte, MSPMC Member Prof. Chawngsailova leh Er. Vanlalhruaia; MSPMC Task Force Member Vanchhungi leh PS to Vice Chairman Vannunmawia te an tel a. Fisheries Department atangin Joint Director Zonuntluangi leh thawktu dangte bakah Thenzawl East VC aiawhte leh chanchinbu mite an tel bawk a ni.
Comments
Post a Comment