Mi bo zawn titawp dawn

Inrinni kalta November 16, 2024 zing khawvar hma-a Serchhip Zawlpui Phai atanga chin hriat loha bo Lalbiakzova chu Vawiin hian khawtlang huapa zawn leh a ni dawn.
Keitum Kawn Veng-a cheng Lalbiakzova te hian Serchhip Mat Phai Zawlpui lamah Leilet neiin buhseng turin an riak a, Inrinni zing khan Thlam atanga a chhuak chu chin hriat loh in a awm zui a, Pathianni atang khan khawtlang huapa zawn niin nimin, a ni 6-na thleng khan a thawmhnaw thenkhat an hmuh bak a chin hriat belh ala awm lo a, Vawiin hian a bo tanna hmun hi RV-ah hmangin a ni 7-na atan khawtlang huapa zawn leh a ni dawn a ni.

Keitum Branch YMA hruaitute chuan an khaw mi bo an zawnna ah hian an khua mai bakah khaw thenawm te pawhin nasa taka an puih tawh thu sawiin, tanpuina pe pawh mi tam tak an awm thu an sawi a. Vawiin-a mi bo zawn ah hian an hmu lo a nih chuan bo zawng tura thawk-chhuak te hi chawhnu dar 1:00-ah RV-ah chhuak khawmin dar 2:00-ah khawtlang huapa zawnna hun hi khar tum a nih thu an sawi a ni.