MCAB hmalakna tur rel

Mizoram Cooperative Apex Bank Ltd. (MCAB Ltd.) Board of Directors Meeting chu nimin khan an Chairman Lalnunsanga kaihhruaiin Head Office, Aizawl-ah neih a ni a, MCAB Ltd. Branch 30-na turin November thla tawp hian New Colony Branch Siaha-ah hawn nise tiin thawktu indaihlohna avanga hna lak thar (recruitment) exam tura kal meka Assistant Grade (Clerk) 18 lak tura tih chu 27-ah tihsan a ni a, Junior Management Grade (JMG) 2 lak tura tih chu 3-ah tihsan a ni bawk. Hengte hi December ni 14, 2024 a exam tur a ni ang. Meeting chuan Special Deposit Scheme thar 'Sekibuhchhuak' ti a vuah chu pawmin he Deposit Scheme thar hi kum khata 7.5% a pung niin kum upa tana 8% a punga siam sak a ni. Tun dinhmunah Apex Bank hian Deposit cheng vbc. 1539.2 a dawn atangin Loan cheng vbc. 1206.1 a pechhuak a. Deposit dawn atanga Loan pekchhuah tehfung (CD Ratio) chu 78.8% a tling a ni.