Forest Minister in lawmpui

Zonuna Kawlni (LENKAWL) • November 2, 2024 • Comments • Mizoram

Forest Minister Lalthansanga chuan All India Forest Sports Meet-a Medalist-te chu nimin khan lawmpuina hlanin, Forest Department hnuaia thawkte chu Physical Fitness ngai pawimawh tur leh tan la zel turin a fuih a. Infiamna chu sawrkar hnathawkte tan taksa leh rilru hriselna kawnga thil pawimawh tak a nih thu a sawi bawk. Kumtin a neih thin All India Forest Sports Meet chu a vawi 27-na atan October ni 16 atanga ni 20, 2024 chhung khan Raipur, Chhattisgarh-ah neih a ni a, Environment, Forests & Climate Change Department, Mizoram chuan infiammi Officer leh Staff 19 tirin, Medal 14 an hawn a, heng te hi Gold Medal 2, Silver Medal 9 leh Bronze Medal 3 a ni.