Archaeological Excavation

Mizoram Art & Culture Department hnuaia hmun hlui zirchiang tura thiamna bik hmanga lei chhunga mihring sulhnu inphum tawh haichhuahna (Archaeological Excavation) hmasa ber tur chu November thla tawp lama laih leh hai hawn theih turin ruahmanna siam a ni a, Archaeologist Vanlalhuma Singson chuan Dungtlang hmun hlui chu zirchian hmasak atan an thlan thu leh Art & Culture, Dungtlang, HATIM leh ICFAI tang-kawpin hna tul ang ang an thawk dawn tih a sawi a ni. Archaeological Excavation tihna tur hmunhma hi tihfai ni tawhin a laih dan tur leh a laihna tur hmun te chu uluk taka chhinchhiah a ni a, tuna Archaeological Excavation hi Mizo hlang Archaeologist-ten Mizoram chhunga a vawi khatna atana an hmalakna tur niin, hei hian kan hmun hlui leh sulhnu hlui zirchiannaah kori thuk tak a tu ngei dawn niin a buaipuitute chuan an sawi a. An thil laihchhuah ang ang zirchian leh sawifiah kawngah tihsual awm tlem hle tura ngaih a ni.